Аҕам саастаах дьон норуоттар икки ардыларынааҕы күнэ 1991 сылтан алтынньы 1 күнүгэр бэлиэтэнэр. Кырдьаҕас дьоммут, эһээлэрбит, эбээлэрбит омукпут муудараһын, өбүгэлэрбит туһунан үтүө өйдөбүлү илдьэ сылдьар баар-суох ситиммит буолаллар. Дэлэҕэ даҕаны, норуот өс хоһоонугар «кырдьаҕаһы хааһахха сүгэ сылдьан сүбэлэт» диэн этиллэр.
Бу ааһан эрэр 2025 сыл биһиги нэһилиэк аҕам саастаахтарбытыгар ыытыллыбыт араас тэрээһиннэрбитин ахтан санаан ааһыаҕыҥ. Аҕам саастаахтарбыт сылын ахсын күүтэр күннүрин Улуу Кыайыы 80 үбүлүөйдээх сылын өрө көтөҕүүлээхтик көрсүбүпүт.Бу тэрээһиҥҥэ Кыайыы кэнсиэрин көрөөччүлэр олус долгуйа көрдүбүппүт дииллэр хас биирдии нүөмэри дохсун ытыс тыаһынан доҕуһуоллаатылар.Ырыа-тойук, Кыайыы вальсын кэнниттэн өйдөбүнньүк хаартыскаҕа түһэн, салҕыы "Спасибо деду за Победу" диэн түөлбэлэр икки ардыларыгар эстафета күрэҕэ буолан ааспыта. Ол кэнниттэн нэһилиэк дьаһалтата, кырдьаҕастарга анаан тэрийбит бырааһынньыктааҕы сандалы тэрийэн Аҕам саастаах дьоммут ааспыты ахтан-санаан аастылар, астына сэһэргэстилэр. https://vk.com/wall-221694086_79
Аҕам саастаахтар декадаларыгар анаан алтынньы ый 6 күнүгэр улуустааҕы ветераннар советтара «Мындыр саас» десаанҥҥа уопсайа 25 киһи буолан мустубуппут. Көрсүһүү саҕаланыаҕыттан өрө көтөҕүллүүлээхтик биир тыынынан сэргэхтик ааспыта. Сэһэргэһии аанын Майатааҕы Итэҕэл балаҕанын салайааччыта, алгысчыт Анна Климентова арыйбыта. «Мындыр саас» десаан солбуллубат дьарыктара үҥкүү, мэйиини эрчийэр оонньуулар ордук табыллан көхтөөхтүк ааспыттара. Түмүккэ, Тараттан төрүттээх Хара нэһилиэгин олохтооҕо Тамара Эверстова бэйэтэ оҥорбут сиэдэрэй оҕуруо киэргэллэрин көрдөрдөрөн, убаһа иҥииринэн көөнньөрбүт быырпаҕын, астаан аҕалбыт сыырын амсатан төрөөбүт дойдутун дьонун сөхтөрбүтэ.
Декаданы түмүктүүр күннэргэ олохтоох көҕүлээһининэн «Мин сааһым, мин баайым» диэн аҕам саастаахтарбыт икки ардыларыгар дарска, корнхолга уонна пионер болга бэрт сэргэх күрэх буолан ааспыта, Түмүккэ бырааһынньыктааҕы сандалы остуол тардыллан бары үөрэн-көтөн декадабытын этэҥҥэ түмүктээн тарҕаспыппыт.
"Биһиги сойууска төрөөбүт дьоллоохпут" диэн девизтээх "Мындыр саас" проект чэрчитинэн ыытыллыбыт Мэңэ-Хаңалас улууһун 12 төгүлүн ыытыллар Сулустаах эстафета Бөкө нэһилиэгэр баран кыттыыны ылан кэллибиппит. Лауреат үрдүк аатын Татьяна Стручкова "Эн комсомол мин дьолум" ырыатынан ылбыта Анна Аксентьевна салайааччылаах фольклорнай композиция эмиэ лауреат үрдүк аатын ылары ситиспитэ. Мэлдьи бу курдук инники күөҥҥэ сылдьыҥ, бу курдук нэһилиэкпит чэчирии сайдарын туһугар түмсүүлээх буолуоҕуҥ Чэгиэн-чэбдик сылдьыагын.
2025 сылга аҕа саастаахтарбытыгар анаан ыытыллыбыт сүрүн тэрээһиннэрбитигэр уопсайа 160 киһини кыттыыны ылла.
Түмүккэ Араҥас нэһилиэгин олохтоохторун түмэр, биир иннибитигэр уктар сахабыт балаҕаныгар республикатааҕы “Ветеран” ассоцияция нэһилиэкпит аҕам саастаахтарыгар анаан улахан диаметырдаах 44 000 р. сууммалаах телевизор бэлэх уунна. Соһуччу сүдү бэлэх тутан үөрүүбүт муҥура суох. Асоцияцияҕа баҕарыа этибит өссө да үлэҕит үрдүк ситиһиилэрдээх буоллун, тус олоххутугар дьолу – соргуну , кытаанах доруобуйаны диэн этэн туран махтал уонна алгыс тылбытын аныыбыт.
