Уус-Алдан улууһун сэрии иннинэҕи сылларга биир бастыҥ саахыматчыта МИХАИЛ АЛЕКСЕЕВИЧ ЕГОРОВ 110 сааһынан саахымат турнира
Кулун тутар 16 күнүгэр 2-с Байагантай нэһилэгэр Уус-Алдан улууһун сэрии иннинэҕи сылларга биир бастыҥ саахыматчыта МИХАИЛ АЛЕКСЕЕВИЧ ЕГОРОВ аатынан саахымат турнира ытыллыннна. Турнирга оҕолор уонна улахан дьоннор, уопсайа 70 киһи кыттыны ылла.
Күрэхтэһии түмүгэ:
Кыргыттар 2013 сылга дылы төрүөхтэр:
1м Пестрякова Алина - Бороҕон
2м Протопопова Арчылаана - Бороҕон
3м Егорова Сардаана- Тиит-Арыы
Уолаттар 2013 сылга дылы төрүөхтэр:
1м Аргунов Айхал - Танда
2м Степанов Эркин - Бороҕон
3м Андросов Андриан- Бороҕон
Кыргыттар 2009-2012 сыллах төрүөхтэр:
1м Ушницкая Ася - Бороҕон
2м Стрекаловская Нарыйаана- Майагас
3м Турантаева Уйгууна - Тиит-Арыы
Уолаттар 2009-2012 сыллах төрүөхтэр:
1м Соловьев Арылхан - Бороҕон
2м Ханчаев Валерий - Бороҕон
3м Прокопьев Арчын - Бороҕон
Кыргыттар 2007-2008 сыллах төрүөхтэр:
1м Васильева Оля - Якутск
Уолаттар 2007-2008 сыллах төрүөхтэр:
1м Новгородов Денис - Бороҕон
2м Винокуров Эльдар - Кэптэни
Дьахталлар
1м Избекова Саргылана - Борогон
2м Гуляева Екатерина - Чарац
3м Бурнашева Юлия - Кэптэни
Эр дьон:
1м Васильев Дьулусхан - Якутск
2м Васильев Михаил - Якутск
3м Васильев Алексей - Курбуьах
Бэтэрээн дьахталлар:
1м Бурцева Марианна - Суотту
2м Кривошапкина Ульяна - Танда
3м Кузьмина Раиса - Туулээх
Бэтэрээн эр дьоннор:
1м Бурнашев Николай - Бороҕон
2м Гаврильев Дмитрий-Найахы
3м Егоров Петр - Курбуьах
Учуутал-буойун МИХАИЛ АЛЕКСЕЕВИЧ ЕГОРОВ
(1915-1944 сс.)
II Байаҕантай учууталларыттан барыта 6 киһи Аҕа дойду сэриитигэр ыҥырыллан, тылланан барбыттар. Ол курдук кинилэр ортолоругар мин ийэм Анна Александровна Турантаева убайа Михаил Алексеевич Егоров сэриигэ баран, Ийэ дойдутугар ытык иэһин толоро сылдьан сэрии хонуутугар охтубута.
Ботуччу сааһын тутан Михаил Баайаҕа оскуолатыгар үөрэммит, салгыы Дьокуускайга 1934с. учуутал идэтигэр үөрэҕин салҕаабыт. 1936 с. кини үлэтин Курбуһах оскуолатыгар математика учууталынан саҕалаабыт. Онно үс сыл үлэлээн баран, Танда сэттэ кылаастаах оскуолатыгар математика учууталынан үлэлээбит. Кини орто оскуолаҕа биир хоско оскуолаҕа үөрэнэр тастыҥ балтыларын кытта бииргэ олорон кыстаабыт.
М.А.Егоров сэрии сылларын иннинэ Бороҕоҥҥо райсоюз ыскылаатыгар материальнай бухгалтерынан үлэлээбит. М.А.Егоров 1941 сыллаахха сайын Бээрийэ оскуолатыгар сэбиэдиссэйинэн анаммыт. Онон дойдутугар, дьонугар чугаһаан Балаҕаннаахха кэлэн сайылаабыт.
М.А.Егоровка оскуола сэбиэдиссэйин быһыытынан бронь бэриллибит. Ол гынан баран Ийэ дойду ыар кэмигэр хас биирдии эр санаалаах киһи буоларын курдук кини бэйэтэ тылланан фроҥҥа барбыт. Кини барыан иннинэ, алааһын Балаҕаннааҕы соҕотоҕун эргийэ хаампыт, бары аймахтарын, чугас дьонун кытта быраһаайдаспыт. Онно эппит: «Күүстээх өстөөх саба түстэ, эргиллэр биллибэт, төһө кыалларынан өйөһөн олоруҥ». Фронтан М.А.Егоров дьонугар элбэхтэ сурук суруйбут да, хомойуох иһин онтон биир да сурук ордубатах. Арай 1943 сыллаахха Хотугулуу – Арҕаа фроҥҥа, онтон 1944 сыллаахха Прибалтийскай фроҥҥа сэриилэһэ сылдьабын диэн суруйбута биллэр. 8 гвардейскай биригээдэҕэ гаубица артиллерияҕа сибээскэ старшай телефонист эбит.
Михаил Алексеевич Егоров 1944 сыл от ыйын 16 күнүгэр Литва сирин фашистартан босхолооһуҥҥа сылдьан снаряд кэлэн түһүүтүгэр өллө диэн дьонугар биллэрии кэлбит. Онон кини Литваҕа Жигмоты бөһүөлэккэ уопсай быраатскай уҥуохха көмүллэ сытар.
Михаил Алексеевич 1925 сылтан саахымакка оонньуур буолбут. Элбэх саахымат күрэхтэригэр кыттан үрдүк ситиһиилэрдээх:
- 1937 сыллаахха оройуоннай саахымат турнирыгар I-II миэстэни ылбыт.
- 1938 сыллаахха оройуоннай саахымат турнирыгар I миэстэни ылбыт.
- 1940 с. Кыһыл армия күнүгэр II миэстэни ылбыт, ыам ыйын бастакы күнүгэр II миэстэни ылбыт.
- 1941 сыллаахха тохсунньу ыйга райпотребсоюз миэскуома тэрийбит турнирыгар I миэстэни ылбыт.
- 1941 с. Олунньуга Кыһыл армия ХХIII сыла туолуутун аатынан оройуоннай саахымат турнирыгар I миэстэни ылбыт.
Михаил Алексеевич сылтан сыл аайы саахыматынан дьарыктанара күүһүрэн иһэр. Райпотребсоюз иһигэр 12 киһилээх саахымат секцияны үлэлэппит, онно салайааччынан үлэлээбит. Кини дьиэтигэр кинигэ ааҕарын, киэһээтин бэйэтэ соҕотоҕун уонна табаарыстарын кытары саахыматтыырын сөбүлүүр эбит.
Аҕа дойду Улуу сэриитэ ааспыта 80 сыл буолла. Биһиги билигин да бу уоттаах сэриигэ кыттыбыт дьон туһунан өссө да элбэҕи ситэ билэ иликпит.
Михаил Алексеевич Егоров бэйэтин кэнниттэн ыччата суох да буоллар, биһиги кини чугас хаан аймахтара кининэн киэн туттабыт. Маннык сэмэй да буоллар, кытаанах бигэ санаалаах дьон баар буоланнар Ийэ дойдубут кырыктаах өстөөҕү кытта хабыр харсыһыыга Улуу Кыайыыны ситиспитэ.
Иванна Турантаева, Бороҕон. 2025 сыл.
